तजिलजी

चाँगु नारायणया जात्राया झवलय् म्हिगः येँया हनुमानध्वाखाय् चाँगु नारायण द्यः बिज्याकल । थ्व झवलय् मखं महाद्यःया न्ह्यःने चाभारा तछ्यायेगु ज्या नं जुल ।परम्परा कथं न्हापा निसें पोहेलाथ्व पुन्हि कुन्हु चाँगुनारायण द्यःयात हनुमानध्वाखा बिज्याकीबलय् चाभारा तछ्यायेगु चलन दु । 
चाँगु नारायणद्यः बिज्याकीबलय् थुकथं चाभारा तछ्यायेगु चलन छुं दँ न्ह्यवंनिसें दिनाच्वंगु खः । स्थानीय तारिणी मखन क्लबया सक्रियताय् थुगुसी हाकनं थ्व ज्याझवः जूगु खः । चाँगु नारायणद्यः हनुमानध्वाखाय् बिज्याकीबलय् गर्ुर्जुया पल्टन चाँगु थ्यंक वनाः द्यःयात काःवनेमाः । 

बिचा: दबू

छि, जि, झी आखिरय् नेवाः हे खः

हरिकृष्ण डंगोल
नेवाः झी नेवाः हे जुइ, भाषा म्वासा जाति म्वाइ, जाति म्वासा भाषा म्वाइ, नेवाःत आदिवासी जनजाति मखुः, नेवाःत आदिवासी जनजाति खः आदि इत्यादिइ विभक्त नेवाःत छधी व छप्पँ मजू धइगु खँ अझ नं विवादित हे तिनि । 
खय्त ला हरेक मनूया थःथःगु हे बिचाः दइ । राजनीति प्रति नं थःथःगु हे आस्था व विश्वास दइ । अध्ययन, अनुभव, अनुभूतिं व वातावरणं मनूया जीवनयात प्रभावित याइगु व मनूया जीवनय् हिउपाः वइगुलिं सुं नं मनूयात स्थिर जीवन यइ मखु ।